El Centru Español de Drechos Reprográficos (CEDRO) (pa mayor información, www.cedro.org) ye l’asociación ensin ánimu de lucru d’autores y editores de llibros, revistes y otres publicaciones, editaes en cualaquier mediu y soporte, que s’encarga de defender y xestionar de manera colectiva los sos drechos de propiedá intelectual de tipu patrimonial (reproducción, tresformación, comunicación pública y distribución). Autorizóla pa ello en 1988 el Ministeriu de Cultura, al abellugu de la Llei de Propiedá Intelectual.
La misión de CEDRO ye meyorar n’España les condiciones de trabayu de los creadores de la cultura escrita (escritores, traductores, periodistes y editores) y facilitar a los ciudadanos l’acesu llegal a llibros, revistes y otres publicaciones, editaes en cualaquier mediu y soporte.
Les principales funciones y servicios de CEDRO son:
- El repartu ente autores y editores de los drechos económicos que-yos correspuenden pola utilización de les sos obres.
- La función social: el desenvolvimientu d’actividaes y servicios de formación, promoción y asistencia p’autores y editores.
- La xestión colectiva del drechu de remuneración por copia privada.
- La concesión d’autorizaciones o llicencies pa la utilización de les obres del so repertoriu.
- La defensa de los intereses de los sos socios énte los tribunales de xusticia y otres instituciones nacionales y internacionales.
- La difusión y la concienciación social de los principios del Drechu d’Autor.
CEDRO xestiona colectivamente los drechos de los sos socios n’otros países y forma parte de la Federación d’Entidaes de Xestión de Drechos de Reproducción.
Ente les principales funciones de CEDRO tán la recaldación de drechos económicos que xenera la utilización d’obres protexíes pol Drechu d’Autor y el so posterior repartu ente los sos correspondientes titulares.
